Lirohet australiani që luftoi në Afganistan dhe me UÇK

Dejvid Hiks, i cili mbahet mend sepse pati luftuar edhe në vitin 1999 përkrah ushtarëve të UÇK-së në Kosovë, përfitoi nga falja e dënimit dhe tashmë është i lirë.

Ai u kap në dhjetor të vitit 2001 teksa ndihmonte talebanët në Afganistan kundër trupave amerikane dhe u dënua nga gjykata pesë vjet më vonë. Këtë periudhë ai e kaloi në burgun e Guantanamos, ndërkohë që pas vendimit të gjykatës u kthye në Australi për të vuajtur dënimin me shtatë vjet burg.

Hiks gjatë gjyqit pranoi se kishte ndihmuar al Kaedën, por nëntë muaj pasi kishte nisur të vuante dënimin, ai arriti një marrëveshje me autoritetet për të mos folur në media lidhur me torturat e mundshme në Guantanamo në këmbim të uljes apo faljes së dënimit.

Duket se ky kompromis, plus faktit se avokatët e cilësuan të pavetëdijshme dhe të papjekur për veprimet që kishte kryer bënë që Hiks të përfitonte faljen dhe të gëzonte sërish lirinë.

Në vitin 1999, Hiks u bë i falshëm pasi ishte ndër të huajt e paktë, në mos i vetmi, që luftonte përkrah ushtarëve të UÇK-së në Kosovë kundër serbëve.