Në Skoci muslimanët përjetohen si kërcënim kulturor

Në Skoci paragjykimet antimuslimane janë në rritje,
kjo vërtetohet me anketën e fundit sipas së cilës
muslimanët përjetohen si kërcënim i kulturës dhe
identitetit të këtij shteti, bënë të ditur 'The
Scotsman'. Gjysma e 1.500 të anketuarve u deklaruan se
rritja e emigracionit musliman kërcënon identitetin e
shtetit, gjë që është një rritje të konsiderueshme në
krahasim me 38% e vitit 2003.

24% e të anketuarve do të ishin të pikëlluar nëse
ndonjë familjar i tyre do të martohej me një musliman,
me 20% e vitit 2003, përderisa 15% beson se myslimanët
nuk janë aspak të papërshtatshëm si mësues.

Anketa, e zhvilluar mes gushtit të vitit 2006 dhe
janarit të vitit 2007, tregon se 27% të anketuarve
konsiderojnë se pakicat u marrin vendëpunimet
skocezëve. Afro 30% prej tyre besojnë se paragjykimet
janë të pranueshme. Anketa tregon se paragjykimet
antimuslimane janë evidente tek personat e moshuar dhe
ata me edukatë të ulët.

Ministri skocez për bashkësitë, Stewart Maxwell,
rezultatet e kësaj ankete i konsideron shumë
shqetësuese. "Përderisa shumica e njerëzve dëshirojnë
të shohin një shoqëri të drejtë dhe të barabartë,
shqetëson fakti se ende ekzistojnë mendime
diskriminuese ndaj një pakice", thotë ai. "Duhet të
punojmë rreth këtij problemi për të siguruar një të
ardhme të suksesshme të Skocisë si një komb modern",
përfundon Maxwell.

Analistët dënuan mendimet antimuslimane të cilat janë
në rritje në të ashtuquajturë n "luftë kundër
terrorizmit" , e që ka krijuar perceptime për
paradogmën 'Perëndimi kundër islamit'.

"Pa dyshim se sulmet e 09.11. dhe 07.07. në Nju Jork
dhe Londër kanë sjell një dozë të madhe paragjykimesh
kundër muslimanëve", thotë profesor John Curtice.
"Anketa është realizuar para sulmeve me bombë në
aeroportin e qytetit Glasgou, por ekziston prapavija
për rritjen e tensioneve mes Perëndimit dhe botës
muslimane", thotë ai. Dy mysliman ngujuan xhipin
'Cheroke' në aeroportin në Glasgou më 30. qershor, një
ditë pas sulmeve të pasuksesshme me autobombë në
Londër.

Muslimanët skocez dënuan ashpër sulmet e pasuksesshme
dhe ftuan në bashkëpunim të plotë me policinë. "Kjo
ndodhë, dhe ajo çka ne duhet të bëjmë është që t'ju
ndihmojmë njerëzve që të njoftohen sa më shumë për
muslimanët dhe t'i ndalojmë paragjykimet" , thotë dr.
Salah Baltagui, nga Këshilli i muslimanëve dhe
Këshilli ndëreligjioz në Skoci.

Osama Saeed, gjithashtu nga Këshilli i muslimanëve në
Skoci, thotë se rezultatet e anketës nuk janë
befasuese për shkak të përhapjes së stereotipeve të
cilët muslimanët i lidhin me dhunën. "Mendimet se
Skocia do ta humbë identitetin e saj për shkak të
muslimanëve është absurde", thotë ai. "Hulumtimet e
mëparshme kanë treguar se muslimanët e ndiejnë veten
si skocez më shumë se e tërë popullata".