Shejh Tantavi: Progresi shkencor i Iranit, krenari e Botës I

Rektori i universitetit Al Az'har të Egjiptit, deklaroi: Progresi shkencor i Iranit, konsiderohet progres dhe krenari Botës Islame. Shejh Muhammed Tantavi, gjatë takimit me z. Ali Larixhani, përfaqësuesi i Liderit Suprem në Këshillin e lartë për siguri kombëtare të Iranit, vuri theksin mbi nevojën e vazhdimit të përpjekje për afrimin e medh'hebeve fetare islame.

Shejh Tantavi, duke folur mbi përpjekjet e armiqëve për të përçarë muslimanët, shtoi se muslimanët, duke ruajtur unitetin dhe vëllazërinë midis tyre, duhet të përballen me komplotet e armiqëve. Në këtë takim, dr. Ali Larixhani, duke folur mbi gjendjen e rajonit, botës Islame dhe në veçanti Irakut, deklaroi: Mosmarrëveshjet në Irak nuk kanë rrënjë fetare, por janë pastër mosmarrëveshje politike të hartuara nga armiqtë me qëllim dobësimin e bazave të Islamit. Ai shtoi se RII, në bazë të mësimeve islame, vazhdimisht është përpjekur për unitetin dhe krenarinë e Botës Islame si dhe ka kërkuar forcimin e bashkëpunimit me medh'hebet tjera Islame. Përfaqësuesi i liderit suprem në këshillin e lartë për siguri kombëtare të Iranit Ali Larixhani, po qëndron për vizitë në Kajro.