Rregullat në Forum

Titulli: Rregullat në Forum Tue Dec 25, 2007 8:35 pm

Rregullat e Forumit Islam

1. Hyrje

Forumi Islam ka bazë Kur´anin dhe Sunnetin
Kuptimi i bazave parësore të Islamit, sipas pikës 1a, bazohen në:
1. mësimet e të Dërguarit [SalAllahu Alejhi ve Selem] përcjellur Sahabeve
2. të kuptuarit e Sahabeve përcjellur Tabi'inëve (atyre që erdhën pas Sahabeve)
3. të kuptuarit e Tabi'inëve përcjellur Tabi-Tabi'inëve (atyre që erdhën pas Tabi'inëve] [All-llahu qoftë i kënaqur me të gjithë ata]
Regjistrimi në këtë Forum është GRATIS!
Megjithëse Stafi në Forumi Islam do të bëjë përpjekje për të larguar Postimet të cilat nuk i përshtaten një Forumi Islam, kontrolli permanent i të gjitha Postimeve është i pamundshëm.
Të gjitha Postimet paraqesin mendimet Objektive dhe Individuale të Postuesve, andaj Stafi Forumi Islam nuk ka kurrëfarë përgjegjësie rreth përmbajtjes së tyre, por përgjegjësinë e kanë vetëm Autorët e Postimeve përkatëse.
Me autorë nuk nënkuptohet Postuesi, nëse artikulli përmbanë informatë (p.sh.: burimi i artikullit, emri i autorit, etj.) rreth Autorit të vërtetë
Me pajtimin e juaj me këtë Rregullore, ju deklaroni se nuk do të bëni Postime me përmbajtje që nuk i takon Sjelljes Islame (shiko Rregulloren 2].
Stafi në Forumi Islam mbanë të drejtën e shlyerjes, përpunimit apo mbylljes së Temave, nëse këtë e sheh si të arsyeshme.

2. Rregullat e Sjelljes

Bazuar në pikën 1a, në Forumin Islam aplikohet eksluzivisht Sjellja Islame
Ndalohen sjellje kufri, të çfarëdo lloji
Ndalohen fyerjet personale
Ndalohen fjalë provokuese, amorale, etj.
Këshillimi, në raste kur tek tjetri vërehen mangësi të dijes, sjelljes, etj., bëhet në privat [Mesazhim Privat], ose njoftohen Moderatorët përkatës [Raporto Postimin].
Kalimi i debatimeve në polemikë mund të ketë si pasojë Kundërvajtjen nga ana e Stafit
Keqpërdorimi i Mesazhimit Privat ka si pasojë dëbimin nga Forumi Islam. Në keqpërdorim (ndër tjerash) hyjnë:
1. Kontakti mes gjinive të kundërta
2. Dërgimi i temave të grupacioneve të devijuara
3. Përgojimi dhe shpifja
4. Reklamimi

3. Rregullat e Postimit

Nuk tolerohen postimet e postuara tërësisht me shkronja të mëdha
Keni parasysh shenjat e pikëzimit (pika, presje, etj)
Për shkak të lexueshmërisë, nuk janë të mirësepritura postimet e ngjitura, pa kryerreshta. Mundësisht, pas çdo 5,6...10 rreshtave të ketë një kryerresht
Lexoni përshkrimet e Forumeve dhe Kategorive, ashtuqë postimet e juaja të postohen në vendin e duhur
Para postimit përdorni funksionin e kërkimit, për të evituar postime te dyfishta që rezulton në shlyerjen e postimeve
Titujt e Temave shkruhen me shkronjë të madhe në fillim, pasuar me shkronja të vogla
Titujt e Temave duhet të jenë domethënëse, ashtuqë të kuptohet se për çka bëhet fjalë në Temë
Vendosja e grafikave në Postime bëhet vetëm në raste kur kanë të bëjnë me temë
Grafikat e mbajtura në faqe tjera nuk janë të mirëpritura
Grafikat e mbajtura në faqe tjera, të clave u kalon afati i mbajtjes dhe në vend të tyre paraqiten simbolet e faqeve ku ato grafika janë mbajtur, do të rezultojnë në shlyerjen e tërë Postimit dhe mund të sjellin Kundërvajtje ndaj postuesit

4. Rregullat e Emrit [Pseudonimit] dhe Nënshkrimit

Nuk lejohet përdorimi i Emrave ofendues
Nuk lejohen Emra të regjistruar në formë të lidhjeve të Internetit (si: .com, .net, etj.)
Grafikat e Nënshkrimeve nuk duhet të tejkalojnë dimenzionet 500x100 px dhe madhësinë prej 19.5 KB
Nuk lejohen lidhje interneti brenda Nënshkrimit
Brenda Nënshkrimit lejohet përdorimi i llojeve dhe ngjyrave të shkronjave, por jo madhësia tjetër pos asaj standarde

5. Procedura e Kuizit Islam

Pyetësi parashtron pyetjen - sipas nevojes mund të cekë edhe një numër të përgjigjeve të mundshme, prej të cilave të tjerët mund të zgjedhin.
Përgjigjet e dhëna jipen shkurt, sipas mundësive duke prezentuar argumentin rreth përgjigjës së dhënë.
Ndaj përgjigjeve veçse të dhëna (d.m.th të anëtarëve tjerë) nuk ka nevojë të komentohet se a është gabim apo jo. D.m.th, përgjigjet mbeten ashtu si janë, derisa të jipet përgjigja e Saktë.
Pas arritjes deri tek Përgjigja e Saktë, nuk lejohen postime tjera, për të evituar konfuzionin rreth asaj se cila prej të gjitha përgjigjeve të dhëna është Përgjigja e Saktë.
Pas arritjes së Përgjigjes së Saktë Tema mbyllet nga ana e Moderatorëve, përveç nëse Moderatorët kanë dyshim rreth saktësisë së përgjigjes së dhënë. Në këtë rast, Moderatorët kërkojnë nga Pyetësi që të parashtrojë argumentacionin rreth saktësisë së Përgjigjes së dhënë.
Për të evituar "harresën" e pyetjëve të papërgjigjura, të cilat kalojnë në faqet 2, 3, etj. për shkak të pyetjëve të reja, pyetjet pa përgjigje bëhen "të ngjitura" ashtuqë të mbeten në faqën e parë të kategorisë "Kuiz Islam". Pas arritjes deri tek pergjigja e saktë, "ngjitja" largohet dhe pyetja radhitet sipas datës së postimit.
Postimet që nuk kanë të bëjnë me pyetjen, gjegjësisht, nuk janë përgjigje ndaj pyetjes, do të largohen nga Moderatorët, pa paralajmërim. Vetëm kështu mund të ruhet permbajtja në formë Kuizi, përndryshe kjo Kategori shndërrohet në debatim.
Kundërshtimet, mospajtimet, etj. rreth Pyetjes së parashtruar, ju lutemi t´ua drejtoni Moderatorëve të Forumit, të cilët do të marrin masa të duhura, insha All-llah.