NATO do t'i përgjigjet çdo sfide para dhe pas përcaktimit të

Tiranë/Bruksel, 18 dhjetor - Ministri i Jashtëm i Shqipërisë Lulzim Basha, gjatë një vizite pune në selinë e NATO s, ku u takua me disa ambasadorë perëndimorë, diskutoi për ecurinë e procesit të anëtarësimit të Shqipërisë në NATO. Ambasadorët nga ana e tyre, vlerësuan progresin e qëndrueshëm që ka bërë Shqipëria veçanërisht në kontributin e saj në zhvillimet në rajon dhe qëndrimin e matur dhe konstruktiv në zgjidhjen e statusit të Kosovës. Një vend të veçantë në diskutim ka zënë edhe situata në rajon, në veçanti Kosova dhe sfidat e përbashkëta të aleatëve, para dhe pas shpalljes së statusit. Ministri Basha theksoi angazhimin konstruktiv të qeverisë shqiptare në këtë fazë përmbyllëse të statusit të Kosovës. Duke diskutuar masat e marra nga NATO për t'iu përgjigjur çdo sfide para dhe pas përcaktimit të statusit, bashkëbiseduesit vlerësuan rëndësinë vendimtare që ka angazhimi i plotë dhe i vendosur i trupave të NATO s në Kosovë për parandalimin dhe frenimin e çdo akti që synon destabilizimin e situatës në Kosovë dhe me gjerë.